“Бунёдкор” футбол клуби делегацияси ўқув-йиғин машғулотларини давом эттириш учун БААга йўл олди.

11-24 январь кунлари “Бунёдкор” аъзолари мавсумолди тайёргарлик жараёнини Дубай шаҳрида олиб боришади. Муҳташам “Jebel Ali” меҳмонхонаси “қалдирғочлар”нинг яқин икки ҳафта мобайнидаги қароргоҳига айланади.

Миржалол Қосимов шогирдлари 15 январь куни Германия бундеслигаси вакили – “Вольфсбург” клуби билан назорат-синов учрашувида майдонга тушишади. 18 январдан бошлаб эса жамоамиз аъзолари “Matchworld Cup Dubai 2012” халқарор турнирида ўз омадини синаб кўрадилар.

Бош мураббий Миржалол Қосимов БААга қуйидаги футболчиларни олиб кетди.

Дарвозабонлар – Игнатий Нестеров, Виктор Мочалов, Нодир Иброхимов
Ҳимоячилар – Акмал Шораҳмедов, Артём Филипосян, Анвар Ғофуров, Дэвид Ония, Славолюб Жоржевич, Орифжон Мамажонов, Хайрулла Каримов, Жавлон Мирабдуллаев
Ярим ҳимоячилар – Илҳомжон Бойдедаев, Шавкат Саломов, Руслан Мельзиддинов, Виктор Карпенко, Яннис Мандзукас
Ҳужумчилар – Анваржон Солиев, Баҳодир Пардаев, Анвар Ражабов, Камолиддин Мурзоев

“Бунёдкор”нинг бошқа аъзолари – Акбар Тўраев, Саҳоб Жўраев, Жавлон Иброхимов, Лутфулла Тўраев ва Абдуқаҳҳор Хожиакбаров айни пайтда терма жамоамиз билан бирга.

Мураббийлар штаби БАА йиғини доирасида бир неча легионерларни синовдан ўтказади.