Ҳозирда "Фламенго" шарафини ҳимоя қилаётган машхур бразилиялик футболчи Роналдиньо ўз клубига ультиматум қўйган, дея хабар бермоқда Globoesporte нашри.
"Клуб ўтган мавсумдан бери йиғилиб қолган қарзларини тўламас экан, футболчи майдонга тушмайди",- дейди футболчининг агенти.
"Роналдиньо Либертадорес кубогининг 2012-1013 йилги мавсуми илк учрашувини ҳам ўтказиб юбормоқчи. Клуб менга ўз қарзини тўламагунича майдонга тушмайман",- дейди футболчи.
Эсингизда бўлса, ўтган мавсум якунига етгач, Роналдиньо "Фламенго" билан ўз шартномасини яна бир йилга узайтирган эди. Янги шартномага кўра, клуб 9-январгача бўлган муддатда футболчи олдида йиғилиб қолган қарзларини тўлаши керак эди. Аммо "Фламенго" бу шартларни ҳалигача бажармаган.
"Фламенго" Либертадорес кубоги гуруҳ учрашувларининг илк турида ўз майдонида Боливиянинг "Реал Потоси" жамоаси билан ўйнаши керак. Агар мазкур ўйингача жамоа Роналдиньога қарзларини тўламаса, футболчи жамоани судга бериш ниятида эканини айтган.
