АПЛда феврал ойининг энг яхши мураббийи бўлиш учун номзодлар номи аниқ. Бу рўйхатдан 4 та мураббий жой олган. Ҳозир ушбу мураббийлар ва уларнинг жамоалари қайд этган натижалар билан танишиб чиқамиз.
Нуну Эшпириту Санту қўл остидаги "Вулверхемптон" ўтган ойда 5 та учрашув ўтказиб, 3 ғалаба ва 2 та дуранг натижа қайд этди."Бўрилар" ҳозир АПЛ турнир жадвалида 12 ўринда бормоқда.
Пеп Гвардиола шогирдлари эса февраль ойида Премиер-Лига доирасида 6 та учрашув ўтказди ва максимал очко тўплади. Жамоа бирор маротаба ҳам мағлуб бўлмади ва дуранг ҳам ўйнамади.
Скотт Паркернинг "Фулхеми эса 6 та учрашувнинг 2 тасида зафар қучди ва 3 маротаба рақиблари билан муроса йўлини танлади. Фақатгина бир ўйинда улар "Лестер"га мағлуб бўлди.
"Челси"га яқинда келган Томас Тухель ҳам бу рўйхатга кирди. "Аристократлар" февраль ойида 3 бор ғалаба қозонди ва шунча дуранг қайд этди.
