APLda fevral oyining eng yaxshi murabbiyi bo‘lish uchun nomzodlar nomi aniq. Bu ro‘yxatdan 4 ta murabbiy joy olgan. Hozir ushbu murabbiylar va ularning jamoalari qayd etgan natijalar bilan tanishib chiqamiz.
Nunu Eshpiritu Santu qo‘l ostidagi "Vulverxempton" o‘tgan oyda 5 ta uchrashuv o‘tkazib, 3 g‘alaba va 2 ta durang natija qayd etdi."Bo‘rilar" hozir APL turnir jadvalida 12 o‘rinda bormoqda
Pep Gvardiola shogirdlari esa fevral oyida Premiyer-Liga doirasida 6 ta uchrashuv o‘tkazdi va maksimal ochko to‘pladi. Jamoa biror marotaba ham mag‘lub bo‘lmadi va durang ham o‘ynamadi.
Skott Parkerning "Fulxemi esa 6 ta uchrashuvning 2 tasida zafar quchdi va 3 marotaba raqiblari bilan murosa yo‘lini tanladi. Faqatgina bir o‘yinda ular "Lester"ga mag‘lub bo‘ldi.
"Chelsi"ga yaqinda kelgan Tomas Tuxel ham bu ro‘yxatga kirdi. "Aristokratlar" fevral oyida 3 bor g‘alaba qozondi va shuncha durang qayd etdi.
