Мавсумолди тайёргарлик жараёнини қизғин олиб бораётган "Локомотив" жамоаси назорат-синов учрашувларига алоҳида аҳамият қаратмоқда. Бу бежиз эмас, зеро жамоа кўригидан ўтаётган футболчиларни кўздан кечиришда айнан назорат-синов ўйинлари муҳим ўрин тутади.
Жумладан, бугун темирйўлчилар Самарқанднинг "Динамо" жамоаси билан ўзаро куч синашишди. "Локомотив" таркибида икки кун олдин олимпиячиларга қарши майдонга тушган бир қатор етакчи футболчилар майдонга тушишмади. Бироқ, бу ўйинга ўз таъсирини кўрсатмади. Бир қатор ёшлар майдонда ўзларини кўрсатиш учун астойдил тўп суришди. Бу эса якунда ўз сўзини айтди ва "Локомотив" муҳим ғалабага эришди. Дарвоқе, рақиб дарвозасидан жой олган гол ҳам ажойиб комбинацион ўйин маҳсули бўлганини таъкидлаш керак.
"ЛОКОМОТИВ" - "ДИНАМО" 1:0 (0:0).
Ҳакам: М.Исмоилов
"Локомотив": Азиз Ашуров, Бахтиёр Ашурматов, Аюбхон Нўъмонов, Марат Қудратов, Дилшод Жабборов, Собир Усмонхўжаев, Музаффар Умирзоқов, Элёр Жаҳонов, Карен Абрамов, Владимир Байрамов.
Захирадан тушганлар: Ботир Каримжонов, Фаррух Мирюнусов, Алишер Шоғуломов, Тимур Акчурин, Бобурбек Тиллабоев, Азиз Тўхтабоев.
"Динамо": Игорь Михайлов, Аҳрол Рисқуллаев, Алексендр Хвостунов, Жамол Отақулов, Никита Свиридов, Жасур Бобоев, Суннатилла Мамадалиев, Дилявер Абибуллаев, Сирож Сайфиев, Зафар Полвонов, Рўзим Ахмедов.
Захирадан тушганлар: В.Алексин, Холмирзаев, С.Султонов, У.Абдурахмонов, А.Бозоров, И.Пардаев, О.Маҳмудов.
Гол: К.Абрамов (42).
Шунингдек, жамоа ўринбосарлари ҳам "Чиғатой" стадионида 1-лига вакили "Оқтепа" жамоаси билан куч синашди. Бу ўйинда рақибларимизнинг қўли баланд келди. Якуний ҳисоб – 4:2. Эртага "Локомотив" жамоаси аъзолари Ўзбекистон миллий терма жамоасига қарши назорат-синов учрашувида майдонга тушади.
