Ҳиндистонда ҳар икки йилда мунтазам ўтказилиб келинаётган Жавоҳирлаъл Неру кубогининг навбатдагиси шу йилнинг 15-25 август оралиқларида ташкиллаштирилиши режалаштирилган.
Бу ҳақда турнир ташкилочиси — IMG-Reliance консорциуми кеча маълум қилган. Неру Кубогининг аввалгилари 2007 ва 2009 йилларда Нью-Деҳли шаҳридаги "Амбедкар" стадионида ўтказилган эди.
Неру Кубоги-2012 да 6 та жамоа иштирок этади. Жамоалардан бири албатта ҳиндларники бўлади. Клублар 2 гуруҳга бўлинишади, биринчи гуруҳ ўз ўйинларини Нью-Деҳлида ўтказса, иккинчи гуруҳ Калькутта ёки Пунада курашга киришади.
Ҳиндистондан ташқари 2 та жамоа Осиё қитъасидан (уларнинг бири Афғонистон бўлиши мумкин), Африка қитъасидан икки терма жамоа ва Шарқий Европанинг бирор терма жамоаси иштирок этади. Осиёдан таклиф қилинаждак иккинчи терма жамоа Ўзбекистон, Эрон ёки Форс кўрфази қирғоқларида жойлашган давлатлардан бири бўлиши мумкин.
