Испания чемпионатининг 26-туридан ўрин олган "Атлетико" ва "Реал" жамоалари ўртасидаги Мадрид дербиси якунланди.

Майдон эгалари баҳсни фаол бошлаб, 15-дақиқада ҳисобни очишди. Луис Суарес яккама-якка вазиятга чиқиб, аниқ зарба билан Куртуани доғда қолдирди.

Иккинчи бўлимнинг дебютида "матрасчилар" ҳисобдаги фарқни ошириш учун 2-3та вазиятга эга бўлишди, аммо Куртуанинг жонбозлиги туфайли тўп дарвозага бориб тушмади.

Кейин эса "Реал" хавфли вазиятлар ярата бошлади. Хусусан, Карим Бензема 3та қулай вазиятларга эга бўлиб, уларнинг сўнггисини 88-дақиқада голга айлантирди.

Шу тариқа, Мадрид дербисида томонлар икки очкодан йўқотишди. Бу эса "Барселона"га қўл келиши мумкин.

Испания чемпионати, 26-тур
Атлетико – Реал Мадрид 1:1 (1:0)
Голлар: 1:0 – 15 Суарес, 1:1 – 88 Бензема.
Атлетико – Облак, Эрмосо, Фелипе, Савич, Триппьер, Льоренте, Коке, Лемар (Сауль, 57), Карраско (Жоау Феликс, 64), Корреа (Кондогбиа, 82), Суарес.
Реал Мадрид – Куртуа, Начо, Менди, Варан, Васкес, Каземиро, Кроос, Родриго (Винисиус Жуниор, 60), Модрич, Асенсио (Вальверде, 60), Бензема.
Огоҳлантиришлар: Карраско (64), Варан (67), Корреа (72), Жоау Феликс (80), Савич (90), Льоренте (90).