"Атлетико" ярим ҳимоячиси Коке Испания чемпионатининг 26-тури доирасида кечган "Реал"га қарши (1:1) учрашувдан сўнг фикр билдирди.
«Биз яхшироқ эдик, аммо ҳар қандай дақиқада "Реал" сизга гол уриши мумкин. Биз гол уришга қодир футболчилар етарли бўлган ажойиб рақиб билан ўйнадик. Бу сафар "Реал" ўзининг ягона имкониятидан фойдаланиб, ҳисобни тенглаштирди», - дейди испаниялик яримҳимоячи.
Маълумот ўрнида, "Атлетико" бугунгача 59 очко тўплаган ҳолда мусобақа жадвалида биринчи поғонани эгаллаб турибди. 54 очко жамғарган "Реал Мадрид" эса учинчи ўринда бормоқда.
