Кеча тунда Саудия Арабистони Про-лигасининг навбатдаги, 16-турида "Шаҳзода Файсал ибн Фаҳд" стадионида "Ат-Таъун"ни қабул қилган "қироллик клуби" — "Ал-Ҳилол" 1:1 ҳисобида дуранг ўйнаб қўйди.

Учрашувда меҳмонлардан Аҳмад ал-Ҳарбий 14-дақиқадаёқ ҳисобни очган бўлса, "Ал-Ҳилол" ярим ҳимоячиси Исо ал-Маҳёний иккинчи бўлимнинг 9-дақиқасида жавоб тўпини киритди. Финал ҳуштаги янграгунча риёзликларнинг бундан ортиғига кучлари етмади.

"Ал-Ҳилол"нинг қоқилишидан "Ал-Аҳлий" унумли фойдаланиб, турнир жадвалининг етакчисига айланиб олди. Улар меҳмонда "Нажрон" дарвозасига жавобсиз 4 та тўп йўллашди.

16-тур доирасидан ўрин олган қолган учрашувлар натижаси билан танишинг:

АЛ-ҲИЛОЛ – АТ-ТАЪУН 1:1 (0:1)
Голлар: Исо ал-Маҳёний (54) – Аҳмад ал-Ҳарбий (14)

АЛ-АНСОР – ҲАЖР 0:2 (0:2)
Голлар: Саъд ал-Ямий (23), Абдуллатиф ал-Баҳдарий (39)

НАЖРОН – АЛ-АҲЛИЙ 0:4 (0:2)
Голлар: Тайсир ал-Жассим (36), Комил ал-Мусо (38), Витор Симоеш (64), Аҳмад ал-Ҳусний (70)

Бугун 16-турнинг яна 4 та учрашуви бўлиб ўтади:
АН-НАСР – АЛ-ФАЙСАЛИЙ
АР-РОИД – АЛ-ФОТИҲ
АЛ-ҚОДИСИЯ – АШ-ШАБОБ
АЛ-ИТТИҲОД – АЛ-ИТТИФОҚ