Бугун Тошкентнинг "Локомотив" клуби Вадим Абрамов мураббийлигидаги Ўзбекистон терма жамоасига қарши иккинчи ўртоқлик ўйинида майдонга тушди. Хабарингиз бор дастлабки учрашувда Абрамов шогирдлари йирик - 4:1 ҳисобида устун келишганди. Бу сафар "темирйўлчилар" анча мазмунли ўйин намойиш этишганига қарамай, барибир термадан устун бўла олишмади - 1:2. "Локо" сафида кўрикдан ўтаётган Шавкат Раимқулов ўзини кўрсатиб, мураббийлар штабида илиқ таассурот қолдирди. Ўтган ўйинда ҳам мезбонлар дарвозасини ишғол қилган Шадрин ва Абдуҳолиқов каби футболчилар бу сафар ҳам ишончни оқлашди.
"Локомотив" - Ўзбекистон 1:2
Голлар: Шавкат Раимқулов — Тимурхўжа Абдуҳолиқов, Александр Шадрин
