"Ювентус" ҳужумчи Криштиану Роналдуни текинга қўйиб юбориши мумкин, деб хабар беради АS. Манбага кўра, бу португалияликнинг юқори маоши билан боғлиқ. Унинг айни пайтдаги, бир мавсум учун маоши 31 миллион еврони ташкил этади.
Шунингдек, Турин клуби ушбу ёзда Роналдуни қўйиб юборса, тахминан 86 миллион евро тежаши мумкинлиги ҳақида хабар берилган. Аввалроқ, Роналду "Реал"га қайтиши мумкинлиги маълум қилинган эди.
Эслатиб ўтамиз, "Ювентус" билан шартномаси 2022 йил ёзида якунига етадиган Роналду "қаймоқранг" либос шарафини 2009 йилдан 2018 йилгача ҳимоя қилган. У "Қироллик клуби" билан ўн бешта соврин ютган ва айнан "Реал" футболчиси сифатида тўртта "Олтин тўп"ни қўлга киритган.
Маълумот ўрнида, жорий мавсумда 36 ёшли ҳужумчи Италия А Cериясида 23 ўйин ўтказиб, 23 гол урди ва 2 голга ассистентлик қилди.
