"Yuventus" hujumchi Krishtianu Ronalduni tekinga qo‘yib yuborishi mumkin, deb xabar beradi AS. Manbaga ko‘ra, bu portugaliyalikning yuqori maoshi bilan bog‘liq. Uning ayni paytdagi, bir mavsum uchun maoshi 31 million yevroni tashkil etadi.
Shuningdek, Turin klubi ushbu yozda Ronalduni qo‘yib yuborsa, taxminan 86 million yevro tejashi mumkinligi haqida xabar berilgan. Avvalroq, Ronaldu "Real"ga qaytishi mumkinligi ma’lum qilingan edi.
Eslatib o‘tamiz, "Yuventus" bilan shartnomasi 2022 yil yozida yakuniga yetadigan Ronaldu "qaymoqrang" libos sharafini 2009 yildan 2018 yilgacha himoya qilgan. U "Qirollik klubi" bilan o‘n beshta sovrin yutgan va aynan "Real" futbolchisi sifatida to‘rtta "Oltin to‘p"ni qo‘lga kiritgan.
Ma’lumot o‘rnida, joriy mavsumda 36 yoshli hujumchi Italiya A Ceriyasida 23 o‘yin o‘tkazib, 23 gol urdi va 2 golga assistentlik qildi.
