Халқаро футбол тарихи ва статистикаси федерацияси IFFHS 2011 йил якунларига кўра дунё клубларининг янги рейтингини эълон қилди.

Унинг дастлабки икки ўрнини "Эл-Классико" қаҳрамонлари банд этиб тургани эътиборга молик.

Ўзбек клублари орасида энг яхши натижани Қаршининг "Насаф" клуби қайд этиб турибди. Гарчи Рўзиқул Бердиев шогирдлари тўрт ўрин пастга шўнғиган бўлсаларда, Англиянинг "Ливерпуль" клуби билан бир ҳилда очко тўплашга муваффақ бўлишган.

Тошкентнинг "Бунёдкор" клуби 205-ўринни Франциянинг "Ницца" ва Германиянинг "Штутгарт" клубилари билан бўлишиб олган. "Пахтакорчилар" бўлса Италиянинг "Парма", "Женоа, Германиянинг "Вердер" каби жамоалари билан тенглашиб олишган. Қуйида кучли 10талик билан танишиб оласиз. Маълумот ўрнида айтиш керакки, МДҲ клублари орасида Киевнинг "Динамо" клуби энг яхши натижа қайд этгани ҳолда, 22-ўринда эътироф этилган. Россиянинг "Зенит" клуби 42-ўрин билан иккинчи натижа қайд этиб турибди. Ҳамюртимиз Александр Гейнрих тўп сурган Жанубий Кореянинг "Сувон" клуби эгаллаб турган 50-ўрни билан Осиё клублари орасида энг яхши кўрсаткичга эга.

1. (1) "Барселона" (Испания)

2. (2) "Реал" (Испания)

3. (3) "Велез" (Аргентина)

4. (4) "Манчестер Юнайтед" (Англия)

5. (6) "Манчестер Сити" (Англия)

6. (10) "Сантос" (Бразилия)

7. (22) "Универсидад де Чили" (Чили)

8. (13) "Бенфика" (Португалия)

9. (5) "Порту" (Португалия)

10. (11) "Универсидад Католика Сантьяго" (Чили)