Coca Cola суперлигаси 2-тур доирасидаги «Қўқон-1912» - «Қизилқум» (0:0) учрашувидан сўнг меҳмонлар устози Ҳамиджон Актамов ўз фикрлари билан ўртоқлашди.

"Ўйин ҳақида айтадиган бўлсам, мухлислар шиддатли курашларга бой бўлган баҳснинг гувоҳи бўлишди. Ҳар икки жамоа ҳам ғалаба учун ҳаракат қилишди. Футбол шуниси билан қизиқ. Бугун жанговор ўйин бўлди. Яратилган вазиятлардан фойдалана олмадик.

Сафарда дуранг ҳам ёмон натижа эмас, деб ўйлайман. “Қўқон-1912” жамоасига кейинги ўйинларда омад тилайман.

Мавсум энди бошланди.Бошида 4-5 та тур барча жамоалар деярли бир хил ўйин кўрсатади Ўйиндан-ўйинга кучайиб борамиз. Мақсадимиз? Жамоани олдига хеч қачон ютқазмаслик вазифаси қўйилган.Мақсадимиз совринли ўринлардан бирини қўлга киритиш", - дейди Актамов.