«Милан» форварди Златан Ибраҳимович Европа лигаси жавоб баҳси доирасида «МЮ»га қарши ўйинда иштирок этиши мумкин.
Бу ҳақда клуб матбуот хизмати хабар бермоқда. Златан бунгача жароҳати боис жамоасининг 4 та учрашувини ўтказиб юборган эди. Энди у «қизил иблислар»га қарши жавоб баҳсида майдонга туша олади. Бироқ катта эҳтимол асосий таркибга киритилмайди.
Эслатиб ўтамиз, ҳар иккала жамоа ўртасидаги жавоб баҳси 18 март санасида бўлиб ўтади.