«Манчестер Юнайтед» кейинги ёзги трансфер ойнасида «Ювентус» ҳужумчиси Криштиану Роналду билан шартнома тузмоқчи эмас.
Энди клуб бу вариантдан воз кечди ва таркибни кучайтириш учун бошқа ўйинчиларни кўриб чиқмоқда.
Португалиялик тез орада «Ювентус»ни тарк этиши мумкинлиги ҳақидаги маълумотлар, «Ювентус» Чемпионлар Лигасининг 1/8 финалида ўз юришини тўхтатганидан сўнг пайдо бўлди. Матбуот, 36 ёшли ҳужумчини Манчестердан ташқари, Мадридга қайтиши ҳақида ҳам гапирмоқда.
Эслатиб ўтамиз, Роналду «Манчестер Юнайтед» таркибида 2003 йилдан 2009 йилгача тўп тепган. Жамоа билан биргаликда у уч марта Премьер-лигада ғолиб чиққан, бир марта Англия кубоги ва суперкубоги, иккита Лига кубоги, Чемпионлар Лигаси ва клублар ўртасидаги Жаҳон чемпионатида ҳам зафар қучган.
Унинг ҳисобидаги бешта «Олтин тўп»нинг биринчиси ҳам айнан «қизил иблислар» сафида ўйнаган пайтларига тўғри келади.
