“Интер”га қарши кечадиган 18-тур учрашувида “Милан” ярим ҳимоячиси Алберто Аквилани майдонга туша олмайди. Бу ҳақда, “Милан”нинг расмий сайти хабар бермоқда.
Футболчи ўтган турда майдонда тўлиқ ҳаракат қилган, аммо машғулотлар жараёнида жароҳат олганди.
Энди яхши хабар. Узоқ танаффусдан кейин, Женнаро Гаттузо айнан Милан дербисида майдонга қайтиши мумкин. Гаттузо аллақачон машғулотларга киришган ва ҳатто ўртоқлик учрашувида майдонга тушиб ҳам улгурди.
Эслатиб ўтамиз, “Милан” ва “Интер” ўртасидаги баҳс якшанбадан душанбага ўтар кечаси, соат 00.45 да (Тошкент вақти билан) бўлиб ўтади.
