АГМК бош мураббийи Миржалол Қосимов Суперлиганинг 3-тури доирасида бўлиб ўтган "Пахтакор"га қарши ўйин (0:3) борасида ўз фикрини билдириб ўтди.

«Нима дейиш мумкин, албатта, аламли мағлубият бўлди. Ўйлайманки, йирик ҳисобдаги мағлубиятга лойиқ эмасдик, бугун бизнинг кунимиз эмас экан. Биринчи бўлимда жамоалар тенг ўйнашди. Оддий вазиятда гол ўтказиб юбордик. Бизда кўплаб вазиятлар юзага келди. Жумладан, Касьянда, Жокичда, Ғофуровда қулай имкониятлар бўлганди. Футбол шундай нарсаки, унда гол урмасанг, нимадандир умид қилиш қийин. Барчасини кўриб чиқамиз, ҳаёт давом этади. "Пахтакор"ни ғалаба билан табриклайман. Шунингдек, ўзбек халқини Наврўз айёми билан табриклаб, саломатлик тилайман», — деди Қосимов.