Маҳачқалъанинг "Анжи" клуби бош мураббийи Юрий Красножак Москвадан Дубайга қадар бўлган 5 соатлик парвоз давомида Роберто Карлос билан атрофлича суҳбатлашиб олганини маълум қилди. Фақатгина мураббийнинг ёдидан Карлос қандай функцияда фаолият олиб боришини сўраш чиқиб қолгани ажабланарли. Карлос қолган футболчилар билан машғулот олиб боришдан ташқари, клуб менежери қилиши керак бўлган вазифаларни ҳам бажараётган экан.

Маълумот ўрнида айтиш керакки, яқиндагина Роберто Карлос бош мураббий бўлишдан қўрқишини таъкидлаб ўтганди. Футболчининг фикрига кўра мураббийликдаги муваффақиятсизлик уни "Анжи"дан узоқлаштириши мумкин.