"Милан" ҳамда Италия терма жамоаси ҳужумчиси Антонио Кассано бундан 3 ой муқаддам микроинсультга йўллиқиб анча мудатга сафдан чиққанди. Юрагидаги муаммолар туфайли жарроҳлик столига ётишга мажбур бўлган ҳужумчи, ҳозирга келиб ўзини анча яхши ҳис қилаётганлиги ҳақида унинг яқинлари ва врачлари маълум қилишди. Ўтган куни неврологик ҳамда кордиологик тестлардан муваффақиятли ўтган Кассано бугундан бошлаб, якка тарзда енгил машғулотларга киришди, дея хабар берди "Милан" клуби врачлари.

Клуб расмий сайтида футболчи яна икки-уч ҳафтадан сўнг сафга қайтиши мумкин деган маълумотлар пайдо бўлган.