"Бавария" ҳужумчиси Роберт Левандовски "SportBild" нашрига берган интервюсида унинг севимли футболчилари Роберто Баджо ва Алессандро Дель Пьеро бўлганлигини айтди.
"Эсимда, олти ёшимда менинг битта севимли футболчим бор эди - Роберто Баджо. Шунингдек, кейинчалик Алессандро Дель Пьеро ҳам менинг қаҳрамонимга айланган, мен уларнинг ўйинларига жуда қойил қолардим. Айтиш жоизки, ўша пайтда мен уларнинг ўйин услубини тушунишга жуда ёш эдим.
Вақт ўтиши билан мени "Арсенал" афсонаси Терри Анрининг ўйинлари ҳам ҳайратга сола бошлади. Унинг ҳаракатлари, эркин зоналарга югуриши, голлари ва ғалабалари... Менда ҳам шундай фазилатлар бўлишни хоҳлардим. Мен ҳамма нарсада унга тақлид қилмоқчи эдим.
Барча замонларнинг энг яхши футболчиси?
Турли хил даврларни ҳисобга олган ҳолда биттасини танлаш қийин. Сўнгги 10-15 йил ичида улар Лионель Месси, Криштиану Роналду ва Роналдиньо ҳисобланади.
Мени футболдан завқлантирадиган ғайриоддий истеъдодлар ҳар доим бўлган. Бу футболчилар қийин нарсаларни оддий кўринишга келтирадиган одамлар ҳисобланади", - дейди Левандовски.