Ўзбекистон Профессионал футбол лигаси Биринчи лига ҳамда Аёллар чемпионати баҳсларини йилнинг дастлабки ярми учун тақвимини ишлаб чиқди.

Унга кўра, 12 та жамоа иштирок этиши кўзда тутилган Биринчи лига-2021 мавсуми 11 апрель куни старт олади. Мусобақага қуръа ташлаш маросими эса 3 апрель санасида бўлиб ўтади.

Шунингдек, аёллар футболида янги мавсум 13 апрель куни Суперкубок беллашуви билан бошланади. Унда мамлакат чемпиони – “Бунёдкор-W” вице-чемпион “Севинч”га қарши баҳс олиб боради. 10 та клуб иштирок этадиган аёллар жамоалари ўртасидаги Ўзбекистон Олий лигасида эса 1-тур учрашувлари 17 апрель куни бўлиб ўтади. Янги мавсумга қуръа ташлаш маросими 6 апрелда ўтказилиши кўзда тутилган.