Ўзбекистон ва Гана терма жамоалари ўртасида ўртоқлик ўйини ҳозиргина якунига етди.

Жамоамиз учрашувни шиддат билан бошлаб, 5-дақиқадаёқ Шукуровнинг голи эвазига ҳисобни очди. Шундан кейин ҳам Вадим Абрамов шогирдлари ҳужум қилишда давом этишди ва танаффусга қадар камида 3та гол уриш имкониятига эга бўлишди. Аммо Сайфиев, Ўрунов, Шомуродов вазиятларни голга айлантира олишмади.

Гана эса иккинчи бўлим ўрталарида ҳисобни тенглаштирди. Иссаҳаку Абдул Фатавунинг 25 метрлар чамаси узоқликдан йўллаган жарима зарбасидан сўнг, тўп дарвоза тўридан жой олди - 1:1.

Орадан кўп ўтмасдан Машарипов рақиб жарима майдони яқинида ҳимоячидан тўпни олиб қўйди ва яккама-якка вазиятда тўпни дарвозабоннинг устидан ошириб, ғалабамизни таъминлади.

Ўртоқлик учрашуви. 26 март, соат 18:00
ЎЗБЕКИСТОН - ГАНА - 2:1 (1:0)
Голлар: Отабек Шукуров (5), Жалолиддин Машарипов (75) — Иссаҳаку Абдул Фатаву (72)
Ўзбекистон: Жавоҳир Илёсов, Анзур Исмоилов, Азим Аҳмедов, Фаррух Сайфиев (Мурод Холмуҳаммедов 82), Иброҳимхалил Йўлдошев, Одил Ҳамробеков (Ислом Тўхтахўжаев 88), Отабек Шукуров, Остон Ўрунов (Жавоҳир Сиддиқов 69), Жалолиддин Машарипов (Ҳожимат Эркинов 86), Сардор Рашидов (Ойбек Бозоров 59), Элдор Шомуродов (Игорь Сергеев 84)
Гана: Жозеф Аддо, Конаду Йиадом, Кристофер Неттей, Муҳаммад Ал-Ҳассан, Диавусие Тейлор (Даниэл Африе Варние 63), Моро Салифу, Мичел Отоу (Перкиоус Воаҳ 82), Рашид Нортей (Айгеним Боатенг 65), Самуэль Аббей Куайе, Кваме Перраҳ, Иссахаку Абдул Фатаву