O‘zbekiston va Gana terma jamoalari o‘rtasida o‘rtoqlik o‘yini hozirgina yakuniga yetdi.

Jamoamiz uchrashuvni shiddat bilan boshlab, 5-daqiqadayoq Shukurovning goli evaziga hisobni ochdi. Shundan keyin ham Vadim Abramov shogirdlari hujum qilishda davom etishdi va tanaffusga qadar kamida 3ta gol urish imkoniyatiga ega bo‘lishdi. Ammo Sayfiyev, O‘runov, Shomurodov vaziyatlarni golga aylantira olishmadi.

Gana esa ikkinchi bo‘lim o‘rtalarida hisobni tenglashtirdi. Issahaku Abdul Fatavuning 25 metrlar chamasi uzoqlikdan yo‘llagan jarima zarbasidan so‘ng, to‘p darvoza to‘ridan joy oldi - 1:1.

Oradan ko‘p o‘tmasdan Masharipov raqib jarima maydoni yaqinida himoyachidan to‘pni olib qo‘ydi va yakkama-yakka vaziyatda to‘pni darvozabonning ustidan oshirib, g‘alabamizni ta’minladi.

O‘rtoqlik uchrashuvi. 26 mart, soat 18:00
O‘ZBEKISTON - GANA - 2:1 (1:0)
Gollar: Otabek Shukurov (5), Jaloliddin Masharipov (75) — Issahaku Abdul Fatavu (72)
O‘zbekiston: Javohir Ilyosov, Anzur Ismoilov, Azim Ahmedov, Farrux Sayfiyev (Murod Xolmuhammedov 82), Ibrohimxalil Yo‘ldoshev, Odil Hamrobekov (Islom To‘xtaxo‘jayev 88), Otabek Shukurov, Oston O‘runov (Javohir Siddiqov 69), Jaloliddin Masharipov (Hojimat Erkinov 86), Sardor Rashidov (Oybek Bozorov 59), Eldor Shomurodov (Igor Sergeev 84)
Gana: Jozef Addo, Konadu Yiadom, Kristofer Nettey, Muhammad Al-Hassan, Diavusiye Teylor (Daniel Afriye Varniye 63), Moro Salifu, Michel Otou (Perkious Voah 82), Rashid Nortey (Aygenim Boateng 65), Samuel Abbey Kuaye, Kvame Perrah, Issaxaku Abdul Fatavu