"Севилья" ҳужумчиси Лукас Окампос фаолиятини Англияда давом эттириши мумкин.
26 ёшли аргентиналик ҳужумчи "Лидс" жамоаси қизиқишлари доирасига тушиб қолган.
Хабар қилинишича, футболчининг шартномасида 62 миллион фунт стерлинг миқдорида товон пули кўрсатилган, аммо "Севилья" футболчини кўрсатилганидан арзонроққа қўйиб юборишга тайёр.
Эслатиб ўтамиз, Лукас Окампос жорий мавсум "Севилья" таркибида 36 учрашув ўтказган. Унинг ҳисобида 7 гол ва 4 ассист мавжуд.