"Челси" ҳужумчиси Тимо Вернер ёзги трансферлар вақтида жамоани тарк этишни режалаштирмаяпти.
25 ёшли немис "Челси" да бошқа клубларга қараганда кўпроқ ютуқларга эришишига ишонмоқда. Қайд этилишича, "аристократлар"га унинг ватандоши Томас Тухельнинг тайинланиши ҳужумчининг Англияда қолиш истагида муҳим омил бўлган.
Эслатиб ўтамиз, Вернер "Челси"га 2020 йилнинг ёзида "Лейпциг"дан 53 миллион евро эвазига ўтган эди. Аввалроқ, лондонликлар футболчини келаси йилда сотиш ғоясини кўриб чиқаётгани ҳақида хабар берилган эди.
Маълумот учун, германиялик футболчи жорий мавсум Премьер-лига доирасида 28 ўйинда майдонга тушиб, 5 гол 8 ассист муаллифига айланган.
