Собиқ италиялик ҳужумчи Алессандро Дель Пьеро «Ювентус» ҳужумчиси Криштиану Роналдунинг Сербияга қарши баҳсдан сўнг кўрсатган хулқидан кескин норозилигини ифодалади.
«Бу керагидан ортиқча реакция эди. Албатта, тоза голинг инобатга олинмагани ва буни ҳакамлар билан тортишишинг нормал ҳолат.
Бироқ сардорлик боғичини улоқтириб, майдонни жаҳл билан тарк этиш ҳақиқий профессионалларга ярашмайди. Чунки Роналдунинг экранларда сон минглаб мухлислари бор», - дейди Дель Пьеро.