Боягина Эрон Про-лигасида бугун бўлиб ўтган 20-тур учрашувлари тафсилотлари ҳақида хабар кирита туриб "Истиқлол" (Теҳрон) – "Мис" (Кирмон) учрашуви ҳали давом этаётганини қистириб кетгандик.

Чемпионат карвонбошиси — "Истиқлол" аутсайдерларидан бири бўлган Кирмон шаҳрининг "Мис" клубига имкониятни бой бериб қўйди. Танаффусга жамоалар майдонни голсиз тарк этишган бўлса, 85-дақиқада меҳмонлар ғалаба тўпини киритишган. (Гол муаллифини кейинроқ аниқлаймиз).

Ушбу ғалабадан сўнг Кирмоннинг "Мис" клуби 4 ўрин юқорилаб хавфли зонани тарк этди.

Турнир жадвалини УШБУ ҲАВОЛАда кўришингиз мумкин.