Италия футбол федерацияси 2020 йилда агентларга тўланган маошлар ҳисоботини очиқлади.

Манбанинг хабарига кўра, Туриннинг «Ювентус» клуби бу борада энг кўп пул сарфлаган (20 миллион). Ундан кейинги ўринларни «Рома» (19.2) ҳамда «Милан» (14.3) эгаллаган. Бу рўйхатда энг сўнгги поғонани «Специя» банд этган. Жамоа агентлар учун жами 1 миллион ҳам пул ажратмаган.

Маълумот учун, А Серия клубларининг бу борадаги умумий харажатлари 138 миллион еврони ташкил қилган. Бу эса 2019 йилдаги кўрсаткичдан 50 миллион кам дегани.