«ПСЖ» бош мураббийи Маурисио Почеттино «Бавария» ҳужумчиси Роберт Левандовскининг Чемпионлар Лигаси чорак финалида иштирок этмаслиги ПСЖ учун устун эмаслигини таъкидлади.
«Менда ажойиб мисол бор. «Тоттенхем» 2019 йилда биринчи ўйиннинг биринчи қисмида Чемпионлар Лигаси чорак финалида «Манчестер Сити»билан ўйнаганида, Харри Кейн жароҳат олган эди.
Худди шу ҳолат энди «Бавария»да Левандовски билан юз бермоқда. Ўша чорак финалда эса биз Кейнсиз ғалаба қозонган эдик.
«Бавария» фақат Левандовскийга боғланиб қолмаган. Гарчи у фантастик футболчи бўлса ҳам. Мюнхенликларнинг асосий кучи бу жамоавий ўйиндир. Рақибимиз жуда кучли жамоа», - дейди аргентиналик мутахассис.
Эслатиб ўтамиз, 32 ёшли ҳужумчи Польша терма жамоаси сафидаги ўйинда жароҳат олган ва Чемпионлар Лигаси чорак финалининг ПСЖга қарши иккала ўйинида ҳам иштирок эта олмайди.
Маълумот ўрнида, Левандовски жорий мавсум Бундеслиганинг 25 учрашувида 35 гол уришга муваффақ бўлган.
