«PSJ» bosh murabbiyi Maurisio Pochettino «Bavariya» hujumchisi Robert Levandovskining Chempionlar Ligasi chorak finalida ishtirok etmasligi PSJ uchun ustun emasligini ta’kidladi.

«Menda ajoyib misol bor. «Tottenxem» 2019 yilda birinchi o‘yinning birinchi qismida Chempionlar Ligasi chorak finalida «Manchester Siti»bilan o‘ynaganida, Xarri Keyn jarohat olgan edi.

Xuddi shu holat endi «Bavariya»da Levandovski bilan yuz bermoqda. O‘sha chorak finalda esa biz Keynsiz g‘alaba qozongan edik.

«Bavariya» faqat Levandovskiyga bog‘lanib qolmagan. Garchi u fantastik futbolchi bo‘lsa ham. Myunxenliklarning asosiy kuchi bu jamoaviy o‘yindir. Raqibimiz juda kuchli jamoa», - deydi argentinalik mutaxassis.

Eslatib o‘tamiz, 32 yoshli hujumchi Polsha terma jamoasi safidagi o‘yinda jarohat olgan va Chempionlar Ligasi chorak finalining PSJga qarshi ikkala o‘yinida ham ishtirok eta olmaydi.

Ma’lumot o‘rnida, Levandovski joriy mavsum Bundesliganing 25 uchrashuvida 35 gol urishga muvaffaq bo‘lgan.