Англия Премьер Лигасининг 30-туридан ўрини олган «Арсенал» ва «Ливерпуль» жамоалари ўртасида учрашув Лондонда бўлиб ўтди.

Баҳснинг биринчи бўлимида ҳисоб очилмади. Танаффусдан кейин эса лондонликлар ўз дарвозасидан учта тўп олиб чиқди.

64-дақиқада захирадан майдонга тушганига кўп бўлмаган Диогу Жота мерсисайдликларни олдинга олиб чиққан бўлса, орадан тўрт дақиқа ўтиб Муҳаммад Салоҳ жамоасининг иккинчи тўпини киритди. 82-дақиқада Жота дубль қайд этган ҳолда ҳисобни йирик кўринишга олиб келди.

Ушбу ғалабадан сўнг «қизиллар» очколарини 49 тага етказиб олган ҳолда 5-ўринга кўтарилди. «Арсенал» (42) 9-поғонадан бормоқда.

АПЛ, 30-тур
3 апрель, шанба
«Арсенал» — «Ливерпуль» 0:3
Голлар: 0:1 – 64 Диогу Жота, 0:2 – 68 Салоҳ, 0:3 – 82 Диогу Жота.
«Арсенал»: Лено, Тирни (Соареш, 45), Габриэль, Чемберс, Ҳолдинг, Парти, Эдегор, Себальос (ан-Ненни, 58), Пепе, Ляказетт, Обамеянг (Мартинелли, 77).
«Ливерпуль»: Алиссон, Кабак (Уильямс, 84), Робертсон (Диогу Жота, 61), Филлипс, Александер-Арнольд, Фабиньо, Милнер, Салоҳ, Тиаго Алькантара, Мане, Фирмино (Вейналдум, 78).
Огоҳлантириш: Диогу Жота (73).