Angliya Premyer Ligasining 30-turidan o‘rini olgan «Arsenal» va «Liverpul» jamoalari o‘rtasida uchrashuv Londonda bo‘lib o‘tdi.
Bahsning birinchi bo‘limida hisob ochilmadi. Tanaffusdan keyin esa londonliklar o‘z darvozasidan uchta to‘p olib chiqdi.
64-daqiqada zaxiradan maydonga tushganiga ko‘p bo‘lmagan Diogu Jota mersisaydliklarni oldinga olib chiqqan bo‘lsa, oradan to‘rt daqiqa o‘tib Muhammad Saloh jamoasining ikkinchi to‘pini kiritdi. 82-daqiqada Jota dubl qayd etgan holda hisobni yirik ko‘rinishga olib keldi.
Ushbu g‘alabadan so‘ng «qizillar» ochkolarini 49 taga yetkazib olgan holda 5-o‘ringa ko‘tarildi. «Arsenal» (42) 9-pog‘onadan bormoqda.
APL, 30-tur
3 aprel, shanba
«Arsenal» — «Liverpul» 0:3
Gollar: 0:1 – 64 Diogu Jota, 0:2 – 68 Saloh, 0:3 – 82 Diogu Jota.
«Arsenal»: Leno, Tirni (Soaresh, 45), Gabriel, Chembers, Holding, Parti, Edegor, Sebalyos (an-Nenni, 58), Pepe, Lyakazett, Obameyang (Martinelli, 77).
«Liverpul»: Alisson, Kabak (Uilyams, 84), Robertson (Diogu Jota, 61), Fillips, Aleksander-Arnold, Fabinyo, Milner, Saloh, Tiago Alkantara, Mane, Firmino (Veynaldum, 78).
Ogohlantirish: Diogu Jota (73).