«Манчестер Юнайтед»нинг испаниялик дарвозабони Давид Де Хеа ёзда клубни тарк этиши мумкин, деб хабар беради Мirror.
Манбага кўра, «қизил иблислар» бош мураббийи Оле-Гуннар Сульшер Ден Хендерсоннинг ҳаракатларидан мамнун ва унга жамоанинг асосий дарвозабони мақомини бермоқчи.
Ўз ўрнида, Де Хеа АПЛда энг кўп маош оладиган футболчи бўлиб, 350 минг фунт (тахминан 412 минг евро) ишлаб олади ва инглиз клуби унинг жамоадан кетишга рози бўлиши учун футболчига товон пули тўлашга тайёр.
Эслатиб ўтамиз, Де Хеа 2011 йилда «Атлетико»дан «Манчестер Юнайтед» га кўчиб ўтган эди.
Маълумот ўрнида, ушбу мавсумда испаниялик дарвозабон Англия Премьер-лигасининг 24 учрашувида майдонга тушиб, 10 ўйинда ўз дарвозаси дахлсизлигини сақлаб қолишга муваффақ бўлган.
