«Manchester Yunayted»ning ispaniyalik darvozaboni David De Xea yozda klubni tark etishi mumkin, deb xabar beradi Mirror.
Manbaga ko‘ra, «qizil iblislar» bosh murabbiyi Ole-Gunnar Sulsher Den Xendersonning harakatlaridan mamnun va unga jamoaning asosiy darvozaboni maqomini bermoqchi.
O‘z o‘rnida, De Xea APLda eng ko‘p maosh oladigan futbolchi bo‘lib, 350 ming funt (taxminan 412 ming yevro) ishlab oladi va ingliz klubi uning jamoadan ketishga rozi bo‘lishi uchun futbolchiga tovon puli to‘lashga tayyor.
Eslatib o‘tamiz, De Xea 2011 yilda «Atletiko»dan «Manchester Yunayted» ga ko‘chib o‘tgan edi.
Ma’lumot o‘rnida, ushbu mavsumda ispaniyalik darvozabon Angliya Premyer-ligasining 24 uchrashuvida maydonga tushib, 10 o‘yinda o‘z darvozasi daxlsizligini saqlab qolishga muvaffaq bo‘lgan.
