"Бухоро" клуби бош мураббийи Даврон Файзиев Про-лиганинг 3-тури доирасида бўлиб ўтган "Олимпик" клубига қарши ўйин (2:0) борасида ўз фикрини билдириб ўтди.
 
"Авваламбор, «Олимпик» жамоаси раҳбариятига ўз миннатдорчилигимни билдирмоқчиман, ташкилий ишлар ҳамда сифатли майдонда тўп суришга шарт шароит яратиб беришгани учун.

Ўйинга тўхталадиган бўлсам, бугунги баҳсга ўта жиддий тайёргарлик олиб борган эдик. «Олимпик» яхши шаклланаётган ёшлардан иборат жамоа, мураббийи ҳам замонавий фикрлайдиган яхши мутахасис ҳисобланади. Аммо ҳар бир жамоа ўз олдига ғалабани мақсад қилиб қўйган бўлади, бизнинг ҳам ўйлаган режаларимиз амалга ошди. Ўйлайманки, бугунги баҳс, барчага манзур бўлди. Қолаверса, бизни ёлғизлатиб қўймаслик учун Бухорои шарифдан ташриф буюрган мухлисларимизга катта раҳмат деб қоламан. Уларнинг қўллаб-қуватлашини биз ҳар доим ҳис қилиб турамиз. Ғузор, Олмалиқ ва мана бугун Тошкентда ҳам биз билан бирга бўлишди. Бугунги ғалабани мухлисларимизга бағишлаймаиз", — деди Даврон Файзиев.