“Андижон” жамоаси билан бекободликлар миллий чемпионатларимиз доирасида 38 бора тўқнаш келишган. Мазкур учрашувларнинг 15 тасида Тошкент вилояти вакилларининг қўли баланд келган бўлса, 11  та ўйинда дуранг натижа қайд этилган. 12 та ўйин эса водийлик футболчиларнинг ғалабаси билан якунланган. “Металлург” рақиблари дарвозасига 63 та тўп киритиб, ўз дарвозасидан 55 гол ўтказиб юборган.

Ўзаро ўйинларда “Металлург”нинг энг йирик ҳисобдаги ғалабаси 2015 йилги чемпионатда кузатилган бўлиб, ўшанда бекободликлар “Андижон”ни 5:1 ҳисобида доғда қолдирган. Андижонликларнинг йирик ғалабаси эса 4:1 кўринишини олган.

Мазкур жамоаларнинг ўтган мавсум Андижонда кечган учрашувида бекободликлар 2:0 ҳисобида ғалаба қозонишган бўлса, Бекободдаги ўйинда дуранг натижа қайд этилганди – 1:1. Водийдаги учрашувда ҳар иккала гол Станислав Андреев ҳисобига ёзилган. Бекободда эса 22-дақиқада Шаҳзодбек Убайдуллаев ҳисобни очган бўлса, учрашув тугашига икки дақиқа қолганда Дониёр Абдуманнопов андижонликларни мағлубиятдан қутқариб қолганди.

Ушбу жамоаларнинг Бекободда бўлиб ўтган сўнгги беш учрашувида қайд этилган натижалар:

30.09.2020  “Металлург” – “Андижон” – 1:1
11.08.2019  “Металлург” – “Андижон” – 0:2
10.06.2016  “Металлург” – “Андижон” – 3:1
23.05.2015  “Металлург” – “Андижон” – 5:1
01.06.2014  “Металлург” – “Андижон” – 3:2