Испаниялик машҳур футболчи Габи профессионал фаолиятини якунлади. Бу ҳақда «Атлетико» Мадрид расмий сайти хабар бермоқда.
«Бизнинг афсонамиз - Габи фаолиятини якунлади», - деб ёзилади клуб хабарида.
37 ёшли Габи «матрасчилар» сафида 2004-2007 ҳамда 2011-2018 йилларда тўп сурган. У ушбу давр мобайнида «Атлетико» либосида жами 413та ўйин ўтказдииб, ўз ҳисобига 10та гол ҳамда 43та голли узатма ёздириб қўйишга муваффақ бўлди.
Габи «Атлетико»дан ташқари «Хетафе», «Сарагоса» ва «Ал-Садд» клубларида ҳам ўйнаган. У Испания чемпионати, Испания кубоги, Испания Суперкубоги, Европа лигаси ва УЕФА Суперкубоги ғолиби ҳисобланади.
