Испания чемпионати 30-турида Мадриднинг «Атлетико» клуби 11 апрель, якшанба куни «Бетис» майдонига сафар қилди.

Учрашувда жамоалар муроса йўлини танлади. Янник Феррейра Каррасконинг 5-дақиқада урган голига мезбонлар 20-дақиқада Кристиан Телёнинг аниқ зарбаси билан жавоб қайтарди. Шу тариқа, «Атлетико» ўзи учун муҳим бўлган ўйинда очко йўқотди.

Ушбу дурангдан кейин «Атлетико»нинг очколари сони 67 тага етди, жамоа яна биринчи ўринга қайтди. 2-ўриндаги «Реал»нинг ҳисобида 66, «Барселона»да эса 65 очко бор. Очколари 47 тага етган «Бетис» 6-поғонага кўтарилди.

Испания Ла лигаси, 30-тур
11 апрель, якшанба
«Бетис» — «Атлетико» 1:1
Голлар: 0:1 – 5 Карраско, 1:1 – 20 Тельо.
«Бетис»: Браво, Манди, Эмерсон, Морено, Бартра, Фекир, Каналес, Руибаль (Лайнес, 75), Хоакин (Хуанми, 63), Тельо, Родригес (Вильям Карвалью, 90).
«Атлетико»: Облак, Савич, Хименес, Эрмосо (Лоди, 63), Триппьер (Врсалко, 78), Коке, Эррера (Витоло, 64), Корреа, Сауль, Жоау Феликс (Торрейра, 48), Карраско.