Мадриднинг «Реал» клуби Чемпионлар Лигаси чорак финал жавоб баҳси доирасида «Ливерпуль»га қарши кечадиган учрашув учун кенгайтирилган таркибни эълон қилди.

Зайниддин Зидан қайдномага 21 нафар футболчини киритди. Ҳимоячилар Серхио Рамос, Даниэль Карвахаль, ярим ҳимоячи Лукас Васкес ва ҳужумчи Эден Азар жароҳат туфайли ўйинда иштирок этолмайди. Шунингдек, коронавирус сабаб Рафаэл Варан ҳам мадридликларга ёрдам бера олмайди.

«Ливерпуль» ва «Реал» жамоалари ўртасидаги баҳс Тошкент вақти билан 14 апрелдан 15 апрелга ўтар кечаси соат 00:00 да бошланади.

«Реал»нинг қайдномаси билан танишинг:

Дарвозабонлар: Тибо Куртуа, Андрей Лунин, Диего Алтубе;

Ҳимоячилар: Эдер Милитао, Начо, Марсело, Альваро Одриосола, Ферлан Менди, Виктор Чуст;

Ярим ҳимоячилар: Тони Кроос, Лука Модрич, Каземиро, Федерико Вальверде, Иско, Марвин Пак, Серхио Аррибас;

Ҳужумчилар: Карим Бензема, Марко Асенсио, Винисиус Жуниор, Мариано Диас, Родриго Гоэс.

«Реал» ва «Ливерпуль» жамоалари ўртасидаги дастлабки ўйин 3:1 ҳисобида испан клуби фойдасига ҳал бўлганди.