"Боруссия Дортмунд" клуби ҳужумчиси Эрлинг Холанд келаси мавсумдан гранд жамоалар сафида тўп тепишни хоҳламоқда. Норвегиялик футболчига европанинг қатор клублари томонидан қизиқиш бор. Айниқса, "Барселона" ёш голеадорни Каталонияга олиб келиш учун астойдил ҳаракат қилмоқда.
"MD" нашрининг хабарига кўра, Эрлингнинг трансфер нархи, шу жумладан комиссиялар ва унинг беш йиллик маоши қўшиб ҳисоблаб чиқилса, Холанд «Барcелона» га тахминан 320 миллион еврога тушади.
Эслатиб ўтамиз, 20 ёшли футболчини трансмаркт портали 110 миллион еврога баҳоламоқда.
