«Барселона» ҳамда Аргентина миллий терма жамоаси сардори Лионель Месси яна бир олийжанобликка қўл урди.
Guardian маълумотларига кўра, Лео Жанубий Америкадаги футболчиларнинг эмланиши учун ишлатиладиган 50 минг дона коронавирус вакцинасини қитъанинг турли мамлакатларига хайрия қилган.
У ўз имзоси туширилган 3 та футболкасини Хитой вакцинаси сотилаётган аукционга қўйди. Месси ёзда ўтиши режалаштирилаётган Америка кубоги мусобақалари олдидан имкон қадар тезроқ барча шароитлар шай бўлишини хоҳлайди.
Эслатиб ўтамиз, ушбу турнир жорий йилнинг 11 июнидан 10 июлига қадар ўтказилади.
