АГМК  посбони Валижон Раҳимов "Ал Ҳилол"га қарши кечган ўйин ҳақидаги фикрлари билан ўртоқлашди.

"Авваламбор Рамазон ойининг биринчи жумаси барчамизга муборак бўлсин! АГМКнинг ОЧЛдаги илк қадами "Ал Ҳилол" билан бўладиган баҳсга тўғри келгани учун кўпчилик рақибнинг имкониятларини юқори баҳолаганди. Бу табиий ҳол, чунки "Ал Ҳилол" Осиёнинг номдор жамоаларидан бири. Жамоамиз эса дебютант сифатида дастлабки юришини бошлади. Муҳими, биз шундай номдор жамоа билан баҳсда ўзимизни йўқотиб қўймасдан хотиржам футбол ўйнадик. Кўплаб вазиятлар яратдик. АГМК жамоа сифатида бирдамлашиб кучли ва номдор рақиблар билан ҳам ўйнаш мумкинлигини исботлади. Муҳими, дастлабки қадамда мағлубиятга учрамадик ҳамда очкога эга чиқдик. Келаси ўйинларда Инша Аллоҳ ғалаба қозонишга ва мухлисларимизни қувонтиришга ҳаракат қиламиз".