«Арсенал» ҳужумкор ярим ҳимоячиси Букайо Сака Европа Лигаси чорак финал жавоб баҳслари якуни бўйича ҳафтанинг энг яхши ўйинчиси деб топилди.

Англиялик футболчи 15 апрель куни «Славия»га қарши кечган учрашувда (4:0) битта гол урди. Шунингдек, Сака ижросидаги узатмаларнинг 79 фоизи аниқ чиқди.

Ушбу соврин учун яна қуйидаги футболчилар кураш олиб борганди:

Эдин Жеко («Рома») — «Аякс»га қарши баҳсда (1:1) гол;
Херар Морено («Вильярреал») — «Динамо Загреб»га қарши учрашувда (2:1) гол;
Аарон Уан-Биссака («Манчестер Юнайтед») — «Гранада»га қарши беллашувда (2:0) 91% узатмалар аниқлиги.

Шунингдек, УЕФА Европа Лигасининг ҳафта рамзий терма жамоасини ҳам эълон қилди. Ундан «Арсенал»нинг беш нафар, «Манчестер Юнайтед»нинг эса тўрт нафар ўйинчиси жой олди.

Дарвозабон: Давид де Хеа («Манчестер Юнайтед»);

Ҳимоячилар: Алекс Теллес, Аксел Туанзебе, Аарон Уан-Биссака (барчаси «Манчестер Юнайтед»), Калум Чемберс («Арсенал»);

Ярим ҳимоячилар: Букайо Сака, Эмиль Смит Роу, Николя Пепе (барчаси «Арсенал»);

Ҳужумчилар: Александер Ляказетт («Арсенал»), Эдин Жеко («Рома»), Херар Морено («Вильярреал»).