Испания чемпионатининг қизғин палласи бошланган пайтда «Реал», кутилмаганда, очко йўқотди. Зидан жамоаси «Хетафе» майдонида ғалаба қозона олмади.
Таркиб билан боғлиқ муаммолар "Қироллик клуби"нинг ўйинига таъсир кўрсатмай қолмади. Шунга қарамай, Мариано Диас баҳснинг 9-дақиқасида ҳисобни очишганди, аммо VAR кичик офсайд туфайли голни бекор қилди.
23-дақиқада эса "Реал"ни голдан дарвоза устуни қутқариб қолди. Биринчи бўлимга қўшиб берилган дақиқаларда Эдер Милитао "қаймоқранглилар"ни голдан қутқариб қолди.
Иккинчи бўлимда тўп назорати бўйича кичик устунлик Зидан жамоаси томонида бўлди, аммо голга тортадиган вазиятларни кўпроқ мезбонлар яратишди. Айниқса, Тибо Куртуа иккита вазиятда маҳорат кўрсатиб, зарбаларни қайтаришга эришди.
Шу тариқа, "Реал" керак бўлмаган жойда очко йўқотди ва энди пешқадам "Атлетико"дан 3 очко ортда қолмоқда. Боз устига, "Барселона" қолдирилган ўйинда ғалаба қозониб, мадридликлардан олдинга ўтиб кетишлари мумкин.
Испания Ла лигаси, 31-тур
Хетафе – Реал Мадрид 0:0 (0:0, 0:0)
Хетафе – Сория, Джене, Оливера, Ньом, Максимович, Кукурелья, Арамбарри, Тимор, Аленья (Суарес, 76), Мата (Анхель Родригес, 65), Унал (Миранда, 90).
Реал Мадрид – Куртуа, Виктор Чуст, Марсело, Одриосола, Милитао, Родриго (Антонио Бланко, 65), Модрич, Винисиус Жуниор, Иско, Асенсио (Аррибас, 78), Мариано Диас (Бензема, 65).
Огоҳлантиришлар: Винисиус Жуниор (54), Ньом (58), Анхель Родригес (75), Кукурелья (86).
