Match World cup Dubai 2012 мусобақаси доирасида "Бунёдкор"га қарши ўйиндан кейин "Зенит" клуби ярим ҳимоячиси Роман Широков ўйин ҳақида фикрлари билан ўртоқлашди.

— Ўйин яхши бўлдими?
— Менимча, яхши бўлди. Ўртоқлик ўйини, бошқа нарса эмас.

— Яъни, ҳеч ким катта иштиёқ билан олдинга интилмади?
— Агар сезган бўлсангиз, демак, шундай.

— 45 дақиқа ўйнаш оғир бўлдими?
— Менимча, йўқ. Бундайин юқори бўлмаган ўйин суръати билан янада кўпроқ ўйнаш мумкин эди.

— Сизлар кучли иштиёқ билан ўйнамадингизми ёки рақиб?
— Биринчи бўлимда яхши ўйнадик. Шунчаки 2та гол уриб олганимиздан кейин кўп олдинга интилмадик. Шунга қарамай, 2та вазиятга эга бўлдик.

— "Бунёдкор" ҳақида нима дея оласиз?
— Ўз мураббийи каби яхши жамоа. Комбинацион футбол ўйнашга ҳаракат қилади. Дарвоқе, уларнинг сафида 13-рақам остида Данко (Лазович — "Зенит" футболчиси) ўйнади! Кимда имконият бўлса, унинг юзига диққат билан назар солинг — қуйиб қўйган ўзи. Буни Кержаков билан муҳокама қилдик.

— Уч кунда машғулот ўтказиш жонга тегмадими?
— Ҳозирча йўқ, ҳаммаси режа бўйича кетяпти.

— Эртага машғулот пляжда ўтказилади. У ерда шуғулланиш майдондагидан кўра қизиқарлироқми?
— Албатта, майдондагидан кўра қизиқарли эмас. Аммо керак.