Мадриднинг «Реал» клуби ПСЖ ҳужумчиси Киллиан Мбаппе ва Дортмунднинг «Боруссия» клуби тўпурари Эрлинг Холандни сотиб олиш билан таркибни кучайтиришга жиддий киришмоқда, дея хабар бермоқда Аs.
Нашрнинг ёзишича, «қаймоқранглилар» французнинг трансферини шу йил ёзда хал этишни истайди, кейинги мақсад эса норвегиялик бўлади.
«Реал Мадрид» Германия клуби келаси мавсумда Чемпионлар Лигасига йўл олади деб умид қилмоқда, чунки агар жамоа ЕЧЛнинг навбатдаги мавсумида иштирок этмаса, Холанд клубини ўзгартиришга қарор қилади. Бордию шундай бўлса, испанлар Мбаппе ва Холанддан бирини танлаши керак бўлади.
Маълумот учун, жорий мавсумда Мбаппе ПСЖ билан, барча турнирларда 41 учрашувда майдонга тушди. Бу ўйинларда унинг ҳисобида 35 голи ва 10 голли узатма мавжуд. Холанд эса 36 ўйинда франциялик ҳамкасби билан бир хил миқдордаги гол ва голли паслар қайд этишга муваффақ бўлган.
