«Реал» президенти Флорентино Перес қироллик клуби «Ювентус»дан ҳужумчи Криштиану Роналдуни қайтариб олмоқчи эмаслигини айтди.
«Криштиану "Реал"га қайтмайди. Мен уни жуда яхши кўраман, у бизга кўп нарсаларни берди, аммо унинг қайтишидан фойда йўқ», - дейди «Қироллик клуби» раҳбари.
Маълумот учун, Роналду «Реал» таркибида 2009 йилдан 2018 йилгача тўп тепган ва 438 учрашувда 450 гол уриб, 131 голга узатма амалга оширган.
Эслатиб ўтамиз, ушбу баҳорда португалиялик юлдуз «Ювентус»дан кетишга яқин турганлиги ва Мадридга қайтиш унинг учун мумкин бўлган вариантларидан бири сифатида қаралгани ҳақида бир неча бор хабар берилган эди.