Месси отасидан «Барса» билан музокараларни мавсум тугагандан сўнг бошлашни илтимос қилди.

«Барселона» ҳужумчиси Лионель Месси ва Каталония клуби ўртасидаги янги шартнома бўйича музокаралар 2020/21 йилги мавсум тугагандан сўнг бошланиши мумкин.

COPE нашрининг футболчига яқин манбаларга асосланиб хабар беришича, аргентиналик футболчининг агенти бўлган отаси Хорхе Мессидан мавсум охиригача «Барса»билан шартнома борасида музокараларга киришмасликни сўраган.

Ҳозирда, Хорхе Месси Каталония пойтахтида бўлиб турибди.

33 ёшли ҳужумчи Ла Лига чемпионлиги учун курашга тўлиқ эътибор қаратмоқчи, футболчи «Барселона» билан олтин дублга эришмоқчи.

Шунингдек, Месси «Барса» президенти Жоан Лапорте билан жуда яхши муносабатда ва томонлар янги келишув бўйича норасмий музокаралар олиб боришган.

Аммо, энди Месси фақат унинг имкониятларига ишонадиган жамоа манфаатлари ҳақида ўйлаши керак деб ҳисоблайди.

Маълумот ўрнида, ушбу мавсумда футболчи Ла Лиганинг 28 ўйинида майдонга тушиб, 23 гол ва 8 ассистни ўз ҳисобига ёздириб қўйган.