Каталониянинг «Барселона» жамоаси ҳимоячиси Роналд Араухо «кўк-анорранглилар» билан янги, узоқ муддатли шартнома имзолашни режалаштирмоқда. Бу ҳақда Тwitter орқали журналист Николо Шкира маълум қилди.
Инсайдернинг сўзларига кўра, томонлар яқин вақт ичида янги шартнома бўйича музокара олиб боришади.
Эслатиб ўтамиз, 22 ёшли уругвайлик футболчининг каталонияликлар билан амалдаги шартномаси 2023 йил ўрталарига қадар мўлжалланган.
Маълумот учун, Испания чемпионатининг жорий мавсумида Роналд 17 ўйинда 1 гол ва 1 ассист қайд этишга муваффақ бўлган.
